薛凱琪、房祖名和爾冬陞等，前晚出席電影《早熟》煞科宴，導演爾冬陞大爆祖名和薛凱琪拍咀戲前要飲酒壯膽，故拍攝時有如被迷姦，更笑言叫薛凱琪嫁給祖名，便可不用工作，令二人十分尷尬。
薛凱琪、房祖名、余安安、毛舜筠、方平和爾冬陞等，前晚在尖沙嘴出席電影《早熟》煞科宴。於片內分別扮演薛凱琪和房祖名母親的余安安和毛舜筠，在煞科宴上起哄，要求薛凱琪和祖名即場重演咀戲，當祖名趨前扮咀薛凱琪時，她即尷尬縮開，祖名解圍說：「人哋係偶像派，我唔想影響人哋嘅形象。」
導演爾冬陞指大前晚房祖名和薛凱琪拍攝煞科咀戲前，祖名要飲酒壯膽，爾冬陞說：「佢哋兩個都唔係冇經驗，但拍時就好扭擰，祖名重要飲兩杯香檳壯膽，結果好似俾人迷姦咁。」
爾冬陞又笑言若薛凱琪下嫁祖名便可以不用工作，他說：「我之前有同Fiona（薛凱琪）講，叫佢嫁畀祖名就唔使做，佢老竇（成龍）做嘢咁叻！」祖名則說：「大多數女仔嫁男仔都唔使做，睇吓個男仔錫唔錫個女仔，我媽咪係因為老竇唔畀佢做嘢，男仔會保護家庭。」
祖名表示已跟薛凱琪交換了電話號碼，他說：「方便日後音樂上溝通聯絡，我心目中有三人可以合作，佢係其中一個。」問祖名與薛凱琪可有發展機會？他說：「世事無絕對，不過重未了解清楚，睇吓有冇機會幫佢作詞寫歌，又或者我有日會變基呢！」
薛凱琪談到跟祖名拍咀戲時的感覺，她說：「佢因為飲咗酒，我聞到好大陣酒味。」她又大談擇偶條件，她說：「我要以事業為重，我鍾意思考型嘅男仔，但相士預言我今年唔好拍拖，否則樣樣都唔好。」
據知祖名的父母成龍和林鳳嬌都有意到煞科宴撐場，但因為知道有記者在場，林鳳嬌臨時縮沙，成龍則只逗留了一會，他說：「我上嚟同導演打個招呼。」
此外，薛凱琪、房祖名、余安安和方平等，在煞科宴後隨即到跑馬地蒲吧，眾人玩至凌晨陸續離開，薛凱琪則於昨日凌晨二時多，帶點醉意乘方平的座駕離開。
採訪、攝影：張俊銘、娛樂突發組
