「喺車度唔畀食嘢㗎！」
「呢度只可以上，唔可以落㗎！」……
大家作為九巴迷，會唔會好似星爺Fans背金句咁，一出口就係一籮籮的金句，定係連動作都學埋呢？
或許廣大九巴迷更喜歡與巴士來個親密接觸，就好似一班小蘋果小記者咁，個個一坐上車長位，就瘋狂㩒掣，今次真係難為了巴士。
記者：小辣椒 攝影：劉錦 鳴謝：九龍巴士
真令人汗顏！連小學生都知道九巴新款巴士的型號，小辣椒在驚歎巴士的魔力之餘，原來小孩子對巴士的熱情，可以媲美長今對飲食的堅持。今趟小蘋果小記者到九巴沙田車廠參觀，車長訓練學校的王校長派了一架專車接送我們，感覺就好似坐龍貓巴士去探險一樣刺激！
龍貓巴士洗白白
九巴沙田車廠就好似一個巴士停車場，每晚車長們完成整日服務後，都要下一番工夫才可回家休息。由於每架巴士都裝有八達通，所有車長都要喺車廠門口按一個R掣，咁樣八達通收費記錄就會自動完成，之後就到小車長最興奮的洗車步驟，洗車後又有專人入油，最後就有維修人員檢查車輛，確保乘客搭到最安全的巴士。
巴士新知舊識
小車長要親近巴士，當然要做個稱職小車長才可以交架車畀你！播足三段片，王校長又有問必答。唔講唔知，做咗車長後，如果休假太久，或在技術或服務態度上出現問題，都要重返學校完成輔助訓練㗎，包保唔會鬆手亂咁畀PASS。
模擬駕駛
每個車長受訓時，都有機會在模擬駕駛室試試操作各種器材，只差八達通報讀器不會響，同埋無Roadshow睇，真實感已經足夠讓一班小車長樂翻天。
巴士煉獄
對不起，巴士們，小車長對你們作出的種種不人道行為，請見諒，因為揸真車，實在太好玩了！
