古巨基前晚於觀塘綵排明晚舉行的處男個唱，他表示心情十分緊張，並笑言跳舞勁過郭富城，基仔說：「我講笑啫，今次會參考遊戲造型，會有機械人舞步融入去，公司同事睇完都話有驚喜。」
基仔表示因要籌備個唱，無暇捧安仔場，他又表示個唱會穿黑色喱士褲，基仔說：「我會着短褲打底，自問唔係着Tback嘅材料，我首場演唱會邀請咗陶喆做嘉賓。我亦好多謝學友讓期畀我開parttwo演唱會。」問基仔可會邀請緋聞女友Stephy睇騷？他說：「我交咗畀同事聯絡啲朋友嚟。」
此外，基仔下月六至九日的parttwo演唱會門票前日甫公開發售，一天即售罄。
採訪、攝影：馮美茵