佘詩曼與張智霖昨日以代言人身份，在旺角為婚紗店MonaLisa行騷。佘詩曼早前被《忽然1周》拍得夜會年紀比她細六歲的揚明，她昨日強調兩人只是朋友，她說：「你哋想我點？孤伶伶一個又話孤獨精，同大啲嘅就忘年戀，細少少又話姐弟戀，屋企人唔喺香港，朋友對我好重要，我覺得同朋友飲嘢、食飯好正常。」
問佘詩曼與揚明現時的關係，她說：「朋友，同事，不嬲好好關係。」她又否認周刊指她半夜上對方屋企。提到前男友陳浩民力撐她，佘詩曼說：「任何人支持我都多謝，我哋三個人都係認識嘅，係獨立個體，唔會影響彼此關係。」
此外，張智霖謂與曾傳緋聞的佘詩曼合拍，問他可視女友袁詠儀為結婚對象？他說：「希望係啦，結婚係兩個人嘅事，求婚？我會喺適當時候做適當嘅事。」
採訪：JessicaNgan
攝影：IpKwanHoi