由《大風吹》雜誌與獅子銀行合辦的第三階段「滙豐為我講故事」，噚日又開鑼，今次由行政總裁邵銘高擔大旗，約八十位小朋友參加，喺發問環節上，有小朋友問佢有乜嗜好同其他職業想做，佢好風趣咁話，曾經諗過做滑雪教練，但自從加入滙豐後，日日都咁精采，無一日悶場，所以喺滙豐工作係佢最正確抉擇。
不過，由於工作繁忙，佢話最大樂趣，就係返屋企見吓寶貝兒女，至於講故事畀自己個小公主聽嘅責任，惟有由太座代勞。
雖然昨日首次粉墨登場講故事，但可能因邵銘高個樣可愛，笑起嚟成個聖誕老人咁，聽完古仔後，啲小朋友爭住同佢影相，又排隊攞簽名。
《大風吹》負責人麥學禮同八方講，佢哋打算稍後情商鄭海泉及王冬勝，接棒講故事，相信一定座無虛席。
（圖）小朋友聽完滙豐行政總裁邵銘高講故事後，爭住同佢影相攞簽名。 李潤芳攝
傳真︰2623-9278
電郵︰