一班愛狗的藝人如吳日言和周麗淇等，昨日特別帶愛犬到銅鑼灣出席生日會，當中周麗淇的愛犬Yuko最「精靈」，雖然牠在臨出門時嘔吐，連累主人遲到，但牠在活動上即不執輸，頻頻偷吃小食，令周麗淇大呼失禮。
吳日言、周麗淇和關心妍等，昨日帶同愛犬在銅鑼灣出席「DeeDee變大Dee一歲生日會」，一起慶祝主持阮小儀愛犬的生日，場面熱鬧，周麗淇遲了十多分鐘才到場，原來她的愛犬Yuko出門時不停嘔吐，周麗淇說：「佢搞到我成身都係，我又要換衫，又要幫佢整理，所以咪遲到囉！」
因枱上放了不少食物，當眾人與愛犬大合照時，周麗淇的愛犬Yuko已按捺不住偷食，令她非常尷尬，要緊緊捉着牠，周麗淇笑說：「真係失禮死人！」
而黃伊汶的愛犬眼角貼了一塊膠布，黃伊汶解釋說：「因為我工人幫佢剪毛嘅時候，唔少心剪親佢，我情急之下咪同佢貼塊膠布止血囉！」對於緋聞男友余文樂透露被狗仔隊跟蹤，黃伊汶說：「跟佢又關我乜事呀？佢嘅嘢我唔會答。」
關心妍則透露其愛犬與陳奕迅（Eason）的愛犬有血緣關係，她說：「都係寵物店啲人同我講，我都想佢哋一家人見下面，重想同佢搵個女朋友，之前我當佢係男朋友咁，但我有男朋友之後，佢就開始呷醋，重試過喺我男朋友隻腳度屙尿。」
採訪、攝影：胡比
