《夜魔俠》是由美國漫畫改編，但就無蝙蝠俠、蜘蛛俠等咁出名。《夜》雖由賓艾弗力（BenAffleck）擔正，但《黑天使》珍妮花嘉娜JenniferGarner及《亞歷山大》哥連法路ColinFarrel就相對地比較突出，尤其哥連扮演暴煞的奸角，發揮得淋漓盡致，睇睇吓佢都算係奸角嘅人才，行出嚟都已經入型入格。今次《夜》亦都會推出導演加長版，比原裝電影版多30分鐘，主要加深了其人性的一面，以及其他角色的感情關係。如果係《黑天使》嘅fans，就一定要睇埋《夜》，因佢哋有莫大關係睇完就會一清二楚。
故事講述幼時的馬特（賓飾）因一次意外，令雙目失明，卻增強了其餘感官能力，身手敏捷。馬父橫死街頭後，馬特誓要為無辜受害的人報復。於是白天是律師的他，夜晚便化身夜魔俠伸張正義，後與大亨之女艾麗雅（珍妮花飾）邂逅。夜魔俠誤殺艾麗雅的父親，精通武術及格鬥的她，誓要親手消滅夜魔俠，但真正幕後黑手，則派遣手下暴煞（哥連飾），欲揭夜魔俠的真正身份，並置他於死地。
美漫畫通常都講到主角好勁，唔會點受傷，但夜魔俠就打親都遍體鱗傷，都幾配合現實。碟內收錄編導講評、製作特輯，交代點解會有加長版。
文：朱就
DVD售價：$140
發行：得利影視
查詢電話：27870678