亞視不少藝員昨日都有到靈堂送林伯最後一程，包括陳煒、劉錫賢、林韋辰和陳啟泰等，陳煒更帶備一箱富士蘋果往弔唁，她離開時說：「林伯好鍾意食富士蘋果，所以我專登買嚟畀佢，但靈堂入面人太多，唔夠位坐，所以鞠躬後我就走啦！」
而身為二姨太余寶珠好友的李香琴，雖然今年不宜出席白事，但前晚設靈和昨日出殯都有到場。琴姐說：「同林伯林太咁熟，冇所謂啦！」問到她對三姨太顧瑞英一房人被安排坐賓客席有何看法？琴姐說：「呢個安排係理所當然。」
此外，亞視高層梁立仁昨日亦有到靈堂致祭，他說：「林伯為人係孤寒自己，大方人哋，我記得當年我同佢喺台灣做嘢，佢一早打畀我話一齊去永和豆漿食早餐，我哋兩個人食咗一百蚊新台幣都唔夠，喺食緊早餐時，汕頭嗰邊打嚟話林伯捐嘅禮堂超支五百萬，林伯話冇問題，其實佢好大方。」
採訪：梁錦雯、卓美娟
攝影：陳偉權、陳慧安