史上最嚴厲評判　個個鬧
嘟嘟十秒叮走汪阿姐

鄭裕玲（嘟嘟）前晚任《殘酷一叮》嘉賓評判，一向講求原則的她幾乎對每位參賽者都嚴厲批評。在嘟嘟的嚴苛評審下，前晚是節目開始以來最慳錢的一集，而上集的台主「高音小甜甜」汪小娟，唱至第十秒已被嘟嘟叮走，創下最快被叮紀錄。

鄭裕玲前晚為《殘酷一叮》任嘉賓評判，嚴厲批評參賽者。在前一集以六十秒勝出的「高音小甜甜」、五十三歲的汪小娟前晚以台主身份登場，結果抽中唱張學友的《吻別》，但她不識唱此歌，要李克勤教她，最後唱了十秒便被嘟嘟叮走，嘟嘟毫不客氣地說：「見佢係台主，又係汪阿姐，點知又甩嘴又唔啱音，阿姐都係咁話啦！」

「以為下面生嘢」
而勝出的喬保羅則唱了六十秒，他獻唱《愛情陷阱》，跳舞時下身擺動，嘟嘟忍不住問道：「點解你哋個個男仔上親嚟都『un』嗰度？」喬保羅笑說：「娛樂大家，呢啲係舞步。」
而獲新增設的「嘉賓賞識獎」、得一萬元獎金的李顯幫，學米高積遜（MichaelJackson）跳舞，又擺動下身，嘟嘟又批評道：「唔知你扮緊MichaelJackson喎，以為你下面生嘢㖭，你跳MoonWalk嚟睇吓。」李顯幫惟有照跳，但嘟嘟卻說：「你又做唔到，又話扮MichaelJackson。」
後來有九人組合扮Cookies，結果三十二秒被叮，嘟嘟說：「每個人都分到幾百蚊，啲舞全部亂晒，歌藝又唔特別出眾，以為你哋表演一字馬人叠人，咪又係咁。」對着九歲及十一歲的小朋友唱粵曲，嘟嘟亦冇面畀，照樣罵道：「唱唱吓都有多少走音，細個都係咁話。」

「甩晒嘴點畀？」
嘟嘟似乎批評參賽者時彈得十分過癮，也叮得相當快，前晚只派出二萬六千七百元，是節目開始以來最慳錢的一集。嘟嘟接受訪問時說：「呢個節目幾好玩，又可以鬧人，又可以不負責任。」至於派出最少錢，嘟嘟說：「唱到甩晒嘴咁點畀呀？」嘟嘟謂她不會參與藝人版比賽，做評判則沒所謂。
採訪：王崇穎
攝影：葉君海