八方噚日一早爬起身，特登走去中環睇潮人服裝集團I.T掛牌。為乜咁神心？梗係為咗去睇吓I.T老闆娘邱淑貞同埋張曼玉啦！不過，現實總係令人失望嘅，唔只沈太冇到，影后亦都冇嚟，淨得沈嘉偉一支公。
沈嘉偉個細佬沈健偉就唔同呢，雖然滿面鬍鬚，全程只係匿埋一角，八方走埋去換卡片時，佢重反問八方一句：「你想點？」但都算得上係有情有義。據知情人士同八方講，原來沈嘉偉兩個妺噚日都有嚟撐場，但係八方就真係唔認得。
重有一段小插曲，就係沈嘉偉噚日死都唔肯接受傳媒訪問，講吓成為上市公司主席嘅心情。混亂之中有記者問咗句：「沈生對首日股價滿唔滿意？」沈嘉偉居然答咗句：「咁走得未呀？」呢個走字，都好精警。
傳真︰2623-9278
電郵︰