鄭希怡（Yumiko）昨日以莎莎代言人身份，在銅鑼灣出席纖體記者會。大會別出心裁安排魔術師變Yumiko出場，魔術師將師奶變成身穿露背裝和短裙的Yumiko。Yumiko表示成功消滅全身十一吋贅肉，體重亦減了六磅，不過她仍未滿足，Yumiko說：「我之前未減時，下圍有三十七吋半，腰都有二十七吋，我都嚇一跳。雖然𠵱家減到一百一十磅，下圍亦回復三十五吋，腰圍二十五吋，但我希望再減多四至五磅。」
談到郭羨妮之前擔任代言人時，要穿三點式拍廣告，但取代郭羨妮的Yumiko卻獲得厚待，只須穿背心短裙。Yumiko說：「其實佢哋今次唔係要sell性感，揀中我可能係覺得我跳舞有型格，比較時尚。但要我露，我都怕大家失望，獻醜不如藏拙啦。係唔係上圍唔夠勁？唔使講都知啦。」
問Yumiko心目中哪位女星身形最弗，她大讚郭羨妮說：「佢喺我心目中，係好成熟高貴同有味道嘅女人。」但Yumiko搶了對方的飯碗，她說：「一間公司唔會一世用一個代言人，可能佢哋想要新鮮感呢。」
