新加坡教育部決定將金庸名著納入中學課程，其中《射鵰英雄傳》裏面兩個章回，將納入中學華文文學課程嘅文學作品選讀範疇，而《雪山飛狐》都會作為高中嘅特定文學教材之一，令武俠小說正式走入學校。其實大陸早前亦宣布，將金庸另一名著《天龍八部》第四十一回列作高中生必修課文，引起廣泛關注。
星洲睇中嘅《射鵰英雄傳》其中兩章回，係第三十五回「鐵槍廟中」同第三十六回「大軍西征」，講黃蓉點幫阿爸東邪黃藥師洗脫殺人嫌疑。當地一名官員話，金庸嘅小說文學性強，亦具有俠義精神，內容通俗，學生一睇就會鍾意。
香港教育評議會副主席何漢權話，𠵱家香港嘅中學中文課程，官方已冇規定範文。佢贊成重設範文，最好同時學內地同星洲，將金庸嘅小說納入其中。
傳真︰2623-9278
電郵︰