陳小韻、Rosemary和LisaS.前晚在中環示範總值過百萬的美鑽首飾，吳文忻和周啟邦伉儷等人則到場欣賞。本於年底出閣的吳文忻透露婚期有誤，她說：「本來係訂咗十一月二十三日，不過今年啲酒席好爆，可能訂唔到要延期至來年一月。」
吳文忻表示婚禮會以天主教儀式舉行，但她說：「我重未收到結婚戒指，𠵱家手上一卡半嘅係前年嘅生日禮物。我諗遲啲一齊去揀，因為鑽石太大好扮嘢，出唔到街、又易俾人打劫，我會揀鍾意嘅款式。」
周啟邦則透露兒子在英國宿舍睡房被偷竊，他說：「佢唔記得鎖門，俾人偷晒啲貴重嘢，好似信用卡、手提電腦、手提電話。今次都教訓佢出入要小心，不過我都寫信去佢校長度投訴保安差。」
採訪：顏英儀 攝影：陳志嵐