早前有報道指陳冠希在交友網上玩cybersex，前晚混血女模AnaR.在灣仔演出珠寶騷時透露，曾被陌生網友性騷擾，問她性經驗及胸部尺寸，所以她提醒女網友小心被佔便宜。
香港國際珠寶展已於昨日圓滿結束，其中「意大利珠寶滙演」前晚在灣仔會展舉行特備晚會，由AnaR.、陳嘉容、陳沛嘉和周汶錡等示範四十套新款珠寶。
早前有周刊報道指陳冠希在美國交友網上結識女伴，將一張性器官照片傳送給女網友，大搞cybersex。混血名模AnaR.透露亦是同一網站Friendster的會員，得悉有關陳冠希報道後，她愕然地說：「我唔相信，我兩、三年前認識佢時，佢係一個goodboy，不過咁耐冇見，可能變咗我唔知啦。」
問AnaR.上Friendster時，可曾被要求玩cybersex？她說：「我都歡迎陌生人chat我，試過有人問我啲好私人嘅問題，好似我過去嘅sexfile咁，我即刻block咗呢個人。又試過有人問我胸圍尺碼，真係好尷尬！我上Friendster原意係交朋友，希望啲人唔好破壞。」
AnaR.又謂曾在內地網站見過有人冒充張曼玉結識朋友，她說：「我覺得女仔尤其要小心，時時提高警覺保護自己。」
此外，陳沛嘉前晚行騷時心事重重，她其後接受訪問透露七十多歲父親因病入院，她眼泛淚光說：「爸爸早輪跌親，引致血管炎，噚日朝病情惡化，我好擔心，一個鐘頭打十幾次電話，希望快啲完騷趕去澳門探佢。」
採訪：RitaLeung
攝影：HoKwokHo
