由張學友監製兼主演的音樂劇《雪狼湖》，將在下月十五至二十日於紅館演出六場。昨日學友聯同陳淑芬及歐丁玉等在金鐘公布有關詳情。
事隔八年再次在港演出該劇，學友表示有另一番感覺，他說：「最大分別係語言唔同咗，上次係廣東話，今次係國語，而其他手法包括舞蹈、燈光都唔同，我相信今次會有更新感覺，希望夢想成真，呢個係我嘅夢。」至於女主角寧靜雪則會由台灣歌手許慧欣及內地歌手湯燦輪流演出。
有指今次《雪狼湖》在港的內部認購售票並不理想，才讓出紅館場地予古巨基開第二部份的演唱會，陳淑芬聞言否認說：「我哋內部訂飛反應好好，至於讓紅館期畀古巨基，係因為我哋加咗深圳嘅演出，趕唔切喺香港搭台，加上基仔第一次開演唱會反應又好，我哋又有份搞，先成人之美。」