有周刊報道指陳冠希在網上玩cybersex，並自拍下體照片，一眾藝人對此均議論紛紛。Twins前晚在將軍澳電視廣播城擔任《殘酷一叮》的嘉賓評判，被問到陳冠希的網上照片，她們均感到很疑惑，但看過報道後忍不住哈哈大笑。
蔡卓妍（阿Sa）說：「係咪真，唔係啩！邊有人咁戇居，佢使唔使呀，咁靚仔。通常係醜樣冇自信先會咁做。」鍾欣桐（阿嬌）則說：「佢係公眾人物，會唔會咁儍。」阿Sa又說：「同佢拍戲，又唔覺得佢咁冇腦，都二十幾歲人，小朋友先會咁做，我覺得佢唔會咁做，咁蠢。」
而楊千嬅昨日亦擔任《殘酷一叮》的嘉賓評判，她說：「佢唔會呀？artists唔會咁做，我哋咁緊張上網盜版問題，以前啲鬼仔先會，呢啲已經唔興，點會擺上網，我上網都只係會同自己人通訊。」