楊思琦在無綫新劇《隨時候命》中飾演傷殘人士，更暗戀林保怡。思琦表示中學時代都有暗戀同校師兄的經驗，因為怕醜，只敢偷望對方，但始終沒勇氣表白，最後無疾而終。
楊思琦最近忙於為無綫新劇《隨時候命》趕戲，她在劇中扮演傷殘飛行服務隊通訊員，並暗戀林保怡。思琦坦言中學時期亦曾暗戀同校師兄，試過在校內偷望對方，可是對方升學後，便無疾而終。
思琦在《隨》劇中暗戀林保怡，二人首次合作，思琦大讚保怡說：「我之前都有睇佢演嘅《金枝慾孽》，佢演得好出色，呢次有機會合作都要向佢好好學習，同保怡做對手戲，佢都帶到我入戲。」思琦在劇中最終不能跟暗戀對象有情人終成眷屬。
問思琦現實生活可有試過暗戀人，她直認說：「我讀中三時暗戀過同校師兄，佢高大英俊，運動又叻，佢高我兩年班，我成日趁機偷望佢，不過最終都冇勇氣去結識佢。之後，師兄畢業，我哋就更加冇聯絡機會。」思琦自問是個害羞女孩，所以當年未能主動結識暗戀對象，不過現在回想起仍回味無窮。
至於思琦首次在劇中扮演傷殘人士，需要坐輪椅，她說：「始終以前演戲都會利用到身體語言，呢次少咗一對腳，都算係新挑戰。」為了演得維肖維妙，思琦都有留意過往中外演員演過的同類角色，她說：「常盤貴子喺日劇《美麗人生》嘅演出都係扮一名傷殘人士，我覺得佢演得好好。」
採訪：比華利
攝影：何國豪
服裝：MissSixty
