譚詠麟昨日接受薛家燕主持的新城節目訪問，近日有關特首董建華辭職的報道，亦成為談論話題，家燕姐更表示若在娛樂圈中找人做特首，她首選譚校長。
阿倫聽後耍手說：「咁客氣呀？其實做特首同踢波一樣，若果一隊球隊成績唔好，無可厚非要執位、換位，先可以平息球迷。」
阿倫續說：「相信中央都好關心喺呢個行政層會否失控，但喺呢個時間上面，如果真係要換人都恰當，等社會平復番，都幾好招。其實如果有乜嘢人上台都好，最緊要將市民心願帶出嚟，聽多啲聲音嘛。」
此外，家燕姐則說：「多謝特首為我哋付出，因為個人理由辭職就覺得佢好似如釋重負。佢上任以來香港遇過好多事，我覺得佢已盡心盡力咁做，為咗市民出力。」
採訪、攝影：王連連