郭富城第二年成為香港賽馬會活力暨慈善大使，他表示計劃成為馬主，除要贏取賽事獎金，還以取得打吡大賽冠軍為目標，但對於好友沈嘉偉開設的時裝店招股則無意認購，認為應該腳踏實地更重要。
郭富城昨日在跑馬地馬場出席「香港打吡大賽2005」記者會，他表示間中會與朋友下注，但純粹考個人眼光，小賭怡情，城城說：「我一向都唔鼓吹豪賭，成為馬會慈善大使之後，呢兩年對馬多咗認識，賽馬運動可以考智慧，引人入勝，我覺得就算投注一千幾百都唔係大問題，可能因為接觸過，搞到我都想做馬主。」
城城表示可望明年達成當馬主的心願，他說：「我自己好鍾意馬，要引入馬匹做馬主唔使用好多錢，我諗一年都係花十幾萬。做馬主當然係想贏到賽事，有獎金啦！我目標係贏打吡賽，好似『精英大師』做埋短途馬王，成為一時佳話。」
另一方面，城城與邱淑貞的丈夫沈嘉偉份屬好友，沈嘉偉開設的時裝店最近招股上市，問他有否認購股票？城城說：「我同嘉偉係好朋友，佢亦係一個工作積極嘅人，佢發展到上市，做到咁好成績，未來前景好好，不過我好少買股票，始終係投機，我對股票冇憧憬，不如腳踏實地，努力做好幕前工作。」
採訪、攝影：魯萍
