謝霆鋒昨日到商台接受訪問，對於梅艷芳的遺產託管人向阿梅生前的債仔展開追數行動，而霆鋒亦被指曾向阿梅借錢，他就說：「黐線，梗係冇啦，連支票都冇開過畀我，係冇可能嘅事。我對錢銀轇轕好小心，因為細個時曾經同朋友借咗五毫子食雪條，點知就被從來冇打過我嘅老竇一腳踢開我。」
日前霆鋒為電影《無極》完成配音工作，並獲導演陳凱歌讚賞其聲線有張國榮的影子，霆鋒表示導演太過獎，自己就不敢當，不過他承認全片的對白都是他以國語配音，霆鋒又說：「我知道張東健同真田廣之都好努力背緊對白，所以我對呢部電影都好期待。」
至於是否因為以前與王菲的關係才令霆鋒的國語進步，他不置可否說：「未必，因為我有成三分二時間都喺內地工作，只要肯學都好容易吸收。」而霆鋒對於有傳王菲赴歐秘密結婚就不作回應。
採訪、攝影：駱華齡