日前有周刊指陳冠希（Edison）在網上結交女伴，又將一張只有性器官的照片傳送給女網友。Edison舊愛陳文媛（BoBo）前晚出席首映禮時力撐Edison，並指他是遭人整蠱。
陳文媛、林嘉欣、鄭伊健、曾志偉和胡兵等主演的新片《後備甜心》，前晚在銅鑼灣舉行首映禮，舒淇和馮德倫均畀面撐場。
有報道指陳冠希（Edison）近日愛玩cybersex，他更將自己的半裸照片及一張看不到樣子、只有性器官的照片傳送給女網友，其舊愛BoBo前晚力撐說：「我諗佢唔會將呢啲相上網，佢成日俾人整蠱，可能今次都一樣。網上有好多新科技，可以做好多嘢，我都曾經俾人移花接木。」
問BoBo可有上網習慣？她說：「ICQ係世紀溝通方式，不過上網要好小心，我都知有人用我個名喺網上寫嘢，已經叫咗啲fans小心啲。」Edison曾為報道爆粗罵記者，BoBo對此說：「佢咁做梗係唔適當，可能佢唔開心，激動咗少少。」
首映禮司儀陳鍵鋒介紹BoBo出場時，有見她在戲中跟伊健有咀戲，故陳鍵鋒問BoBo：「你覺得Mr.鄭，同現實中Mr.Chan（陳冠希）kiss有乜嘢分別？」BoBo很愕然他問這條問題，只扮作聽不見，沒有回答他。
另外，胡兵和Edison父親陳澤民是好朋友，他談到Edison玩cybersex時說：「我冇睇報紙，我有擺相上網，但都係公司整嘅私人網頁，以前都試過俾人移花接木，我知邊個做呢樣嘢，但唔想講邊個。」
舒淇和馮德倫則專程來捧《後》片導演李明文場，舒淇說：「我近排喺台灣拍緊侯孝賢嘅新戲，呢次返嚟出席首映，諗住李明文會好驚喜，點知嚟到，佢都冇乜驚喜！」
而問到鄭伊健是否會隨經理人林珊珊過檔BMA唱片公司？他說：「重未落實，要等珊珊決定，我有興趣出碟，如果冇唱片公司，我唔介意自資出碟。」林嘉欣則表示為出席金像獎積極減肥，她說：「我戒食澱粉質同每日做三十下situp，𠵱家都減咗十磅。」
採訪：張俊銘
攝影：何國豪
