傳咗咁多年阿董會提早離任，今次似乎最大可能成真，中大政治及公共行政學系高級導師蔡子強前兩日同八方傾開，繼《新君王論》系列成功後，佢計劃同埋茶杯雜誌總編輯顧問劉細良及另一位友人，合寫一本新書《建華八年》，靈感來自歷史學家黃仁宇嘅名作《萬曆十五年》。
點知政治形勢瞬息萬變，分分鐘寫慢啲，就會落後於形勢，變成過氣產物。蔡子強話聽到特首提早唔撈，嚇咗一跳，第一反應係要約埋拍檔，快啲傾好本書點寫，以便盡快落筆。
蔡子強話，佢哋計劃選出十幾個喺阿董任內對時局有影響力嘅人物，每章寫一個人，好似民建聯前主席曾鈺成，蔡子強就連章題都諗埋，可能係「曾鈺成—香港理想左派的孤憤」，因為阿曾明顯真心相信左派思想，但現實環境有時又會被迫挺一啲自己都唔信嘅嘢，寫佢都幾有挑戰性。
傳真︰2623-9278
電郵︰