俾旅遊發展局取消咗「優質旅遊服務」計劃商戶資格嘅金至尊，老闆林世榮噚日請食飯，佢好勞氣咁同八方講，支持咗旅發局推動香港旅遊咁多年，大大話話都捐咗七百幾萬，勢估唔到佢個場只係迫咗少少啫，咁就俾人踢咗出嚟，簡直不可思議咁話喎。
林世榮重話，第時就算旅發局再畀番呢個資格佢哋，佢都唔會要！佢話唔想自己間好似皇宮咁靚嘅展館，同埋一啲又污糟、又有老鼠嘅茶餐廳，一齊攞埋同一個資格喎。
佢又話，喺呢個故事上學到嘅，就係唔好人哋畀乜嘢你，你諗都唔諗就要，要諗吓到底有乜用先。
傳真︰2623-9278
電郵︰