合和主席胡應湘花咗二十年心血嘅MegaTower又俾城規會打回頭，歌頓當然唔多高興，不過，自從佢將合和嘅生意逐步交畀乖仔胡文新，乖仔嘅表現應該都令佢好滿意。噚日合和公布業績，純利升咗超過一倍，兩父子收息都成一億元。
正如胡文新講，日後集團表現全靠員工努力工作，賺多啲錢，所以佢哋都冇虧待員工，兩仔爺袋咗一億元股息外，亦獎勵一吓班員工。胡文新話，今個年度集團增設咗獎勵計劃，按員工表現發放獎金，表現最好嘅員工獲派兩個月花紅，另外，集團亦已經向員工宣布加薪，加幅平均有百分之三。
（圖）合和舊年純利升咗超過一倍，歌頓應該更放心交低工作畀乖仔胡文新啦。
傳真︰2623-9278
電郵︰