美股雖反彈，但在資金撤走、滙控（005）受壓，以及阿董辭職傳聞困擾下，好淡上午在14000關口拉鋸，但午後歐資沽盤湧至，恒指全日大跌210點，收報13850，成交高達346.17億元。即月期指收報13700，大低水150點，真係好耐都未見過。4月期指跌至13690。
本地散戶認為，阿董辭職是好消息，唔明個市點解會大插。但芬佬就話，外資唔了解本港政經局面，只要出現重要領導層變動，對外資而言都是政治不明朗因素，投資風險增加，自然要減磅，睇定啲才算。
起初以為兩會即將開幕，國企股會有得炒，點知不利消息紛至，令到國企指數大挫近3%，比恒指重傷得多。埃克森沽清中石化（386），令中石化股價大跌5%至3.35元，市場驚住股神亦會沽中石油（857）及英國石油沽鎮海煉化（1128），兩股分別下跌4.6%及5.6%。
安徽海螺（914）又被花旗美邦以水泥市場將出現供過於求，大幅調低目標價，由15元降至9元，評級由「買入」變為「沽售」，令股價大跌5.6%至8.40元。
金屬價格下滑，令到中國鋁業（2600）被質低5.3%至4.925元，江銅（358）亦跌3.74%至4.50元，中海發展（1138）全年盈利符預期，增長80%至18億元人民幣，但衰在末期息只得15分，芬佬認為唔夠吸引，結果大跌6.5%至7.20元。
阿虎