垃圾桶，一件生活中不可或缺的日常用品，以前講求實際，款式亦只限於塑膠圓桶，隨着生活要求與品味提高，普通一個膠桶又點可以滿足到你？今時今日的垃圾桶以款式獨特、講求質料為大前提，實行有姿勢又有實際，唔信？睇完下面介紹你就會心服口服！
記者：黃婉冰
攝影：楊錦文、蔡鴻雯、林栢鈞
ImageGirl：Irene
玩嘢設計賣相夠出位
講設計講包裝的今日，連垃圾桶都話要講求外表玩花款，當你到各家品店走一趟，你會發現，原來看來不大起眼的垃圾桶，款式超多，玩嘢、過癮、Design款款俱備，款靚又實用，點止垃圾桶咁簡單？
發聲豬頭嘜
尺寸：D23×H29（cm）
小豬嘜垃圾桶唔止外表得意討好，最搞鬼係每當你擲完垃圾然後冚蓋，小豬嘜會發出「噶、噶」的豬叫聲，同外形一樣咁趣致，唔裝垃圾，亦可放雜物！
售價：$238（a）
名師設計
尺寸：L26.5×W25.5×H28.5（cm）（大）
尺寸：L10.5×W12×H14.5（cm）（細）
這款有如手挽袋的垃圾桶，由加拿大設計師KarimRashid設計，款式簡約又極具風格。全個以硬膠製成，另有迷你版可襯成一套，相映成趣。
售價：$76（大）/$38（細）（e）
盞鬼巨型紙杯
尺寸：各D27.5×H37.5（cm）
超巨型經典果汁紙杯，屬自家設計，除咗Size之外，外形做到同真嘅紙杯一樣，見到不期然諗起企街邊飲蔗汁的日子。一套兩件，全個以軟膠片製造，清潔容易，夠盞鬼。
售價：$138一套（e）
黑白大頭妹
尺寸：各D27×H38.5（cm）
出自本地設計師CherrieChau手筆的大頭妹，一套兩款，繪滿極富個人風格的圖案，配上黑白雙色，夠Cool又有格。
售價：$145一套（e）
超Raw木紋桶
尺寸：D23×H27（cm）
這個原木紋垃圾桶，充滿原始風味，全個以薄木片製成，防水易清潔。除深啡色外，另有淺木色供選擇。
售價：$298（g）
柱形滅火筒
尺寸：L13×W13×H56（cm）
這款柱形垃圾桶以滅火筒為藍本，上有煙灰缸，下為垃圾桶，一個搞掂晒，不銹鋼質料，耐用又硬淨，有姿勢有實際。
售價：$98（a）
經典香港街景
尺寸：D18×H28（cm）
這款印滿香港舊區街景的垃圾桶，極具懷舊Feel，厚帆布料，相內重有啲搞鬼招牌，好似「住好啲骨傷」，夠晒過癮。
售價：$110（d）
摩登草織籃
尺寸：D18×H28（cm）
略嫌膠垃圾桶太死板，不妨選擇這款以草繩編織而成的垃圾桶，內裏為塑膠，反轉就可以用濕布抹乾淨，清潔夠簡單。
售價：$110（d）
腳踏裝置自動彈起夠衞生
講衞生又方便，首推腳踏式設計，毋須出手，用腳一踩，垃圾桶蓋就會自動彈起，放腳又會自動冚上，避免雙手接觸到細菌多多的垃圾桶，夠晒衞生，最啱廚房用。有些新款垃圾桶以打孖上設計，幫你將垃圾分埋類，貫徹環保精神！
活輪最方便
尺寸：L23.2×W41.5×H55（cm）
這款塑膠腳踏垃圾桶，容量為33L，上闊下窄的設計，夠晒別致。垃圾桶底附有兩個巨型活輪，蓋旁則有長形手柄，方便隨時搬動垃圾桶。
售價：$220（g）
雙層設計分門別類
尺寸：L31×W36×H82.5（cm）
這款兩層式垃圾桶最啱大家庭使用，容量共40L。上層為腳踏式，下層則為拉出式，兩層可分拆出來清洗，內膽附手挽，方便倒垃圾及清洗。桶旁則有膠鈎，可掛垃圾袋或其他雜物。
售價：$240（f）
梯形設計夠破格
尺寸：L24.5×W29×H40（cm）
外形與用料有別於一般垃圾桶，梯形設計配不銹鋼焗漆面，耐用易潔。半圓形大腳踏，賣相獨特破格。垃圾桶後附手挽，方便搬動。
售價：$350（f）
手挽可夾垃圾袋
尺寸：L30×W40×H56.5（cm）
日本EBAN塑膠垃圾桶，35L容量，膠製內膽兩側附設手挽，便於傾倒垃圾外，還可固定垃圾袋袋口。垃圾桶蓋可拆下清洗，方便簡單。
售價：$129（c）
雙內桶方便分類
尺寸：L24×W47×H42（cm）
想將垃圾分類又怕麻煩，這款是最佳之選，闊大外形內藏有兩個膠桶，可將垃圾分類擺放。膠桶各備不銹鋼手挽，倒拉圾更加方便衞生。
售價：$498（a）
防火外殼
尺寸：L29×W33×H42（cm）
brabantia出品，20L容量，外層用上防火質料，內膽垃圾桶則選用不銹鋼，內外同樣耐用，具10年保用。高且窄外形佔位少，容量高，放在廚房最啱。
售價：$763（c）
內開式桶蓋夠慳位
尺寸：L40×W22×H69（cm）
一般腳踏垃圾桶，必須預留空間，讓桶蓋有足夠空位彈起。這款umbra垃圾桶免卻這麻煩，一踏腳踏，膠蓋就會向內開，設計既方便又慳位，即使放在爐灶底或廚櫃內一樣開關自如。
售價：$238（f）
獨特扁平桶
尺寸：L28×W46×H43（cm）
這款垃圾桶用上不銹鋼圓條為腳踏，賣相特別。桶身為硬膠，配上扁平外形，夠慳位，垃圾桶後附有手挽，可隨意搬動。
售價：$268（f）
得意馬騮仔
尺寸：D26×H30.5（cm）
平平哋幾十蚊又要有花款，不妨選擇這款馬騮仔垃圾桶。Size細細，最啱放在浴室或房間，全塑膠製造，輕巧又易打理。
售價：$69.9（b）
搖蓋款式一推搞掂夠方便
家有小朋友，搖蓋式設計會更適合，唔使用腳踩，向內一推就搞掂，每次使用後，垃圾桶蓋都會自動歸位，一樣衞生方便。有興趣買番個？不妨睇睇以下幾款推介，話唔定搵到一款啱心水！
擺乜都得
尺寸：D25.5×H41（cm）
垃圾桶重有其他用途？這款膠製垃圾桶，自稱可充當曲奇餅罐、錢箱，正如桶上所寫的，你可以放任何東西，但都係做番垃圾桶最稱職！
售價：$108（a）
可愛小豬嘜
尺寸：D26×H41（cm）
唔使多講，齋睇佢個豬頭已經夠晒煞食，搖蓋除有豬頭外，另有同樣Cutie的熊貓頭。搖蓋可以360度轉動，畀小朋友用最啱。
原價：$69.9 特價：$39.9（b）
經典老牌貨
尺寸：L18.5×W32×H35（cm）
講到塑膠垃圾桶，點少得老牌紅A，搖蓋經過特別設計，不會反轉或停留在垂直位置，防止垃圾暴露於空氣中，保持衞生。
售價：$49.9（b）
提你倒垃圾
尺寸：L22×W31×H45（cm）
這款塑膠垃圾桶，桶面印有時間表，可以記下倒垃圾時間，啱晒大頭蝦。容量為20L。
售價：$120（f）
容量夠晒大
尺寸：D34×H65（cm）
款式似足公園垃圾桶，但最有意義都係桶面寫有「TRYRECYCLE」，每次擲垃圾都提醒自己要環保，重要循環再用，有意思。容量為30L。
售價：$288（a）
三種開蓋法
尺寸：D56×H61（cm）
umbra出品，容量有36.6L，垃圾桶蓋有三種不同開啟方法，分別是向內推、用手將桶蓋向後翻和利用蓋內膠鈎將垃圾桶蓋長開，夠晒方便。
售價：$230（d）
店舖資料
（a） Kimihe 23122008
尖沙嘴加連威老道41A興明樓1樓A室
（b） 吉之島 24128686
荃灣圓墩圍大壩街4?0號荃灣廣場1至4樓
（c） 崇光百貨 28338338
銅鑼灣軒尼詩道555號
（d） G.O.D 27845555
尖沙嘴海港城商場香港酒店3樓
（e） Homeless 27821881
油麻地新填地街151號俊逸豪園C座地下F及G店
（f） city'super 25062888
銅鑼灣時代廣場B1地庫
（g） Francfranc 34273366
銅鑼灣百德新街2?0號恒隆中心2樓