特首下台市民反應

衰太聽北京話
吳小姐（自僱人士）：董建華衰在太聽北京話，完全幫唔到香港人，曾蔭權盤數咁精，由佢做可以幫到香港經濟。

邊個做都係咁
鄧小姐（船務文員）：董建華做嘢都唔差，我諗邊個做特首都係咁，呢個唔係一個人可控制得到。不過曾蔭權都係一個唔錯嘅人選。

曾蔭權夠孝順
關先生（自僱人士）：董建華成日講空話，決而不行，齋講唔做。曾蔭權做特首都幾好，阿媽話佢夠孝順。

新特首新刺激
陳小姐（美容學校東主）：董建華喺決策方面猶豫不決，相信新特首會帶嚟新刺激，而曾蔭權由財政司至今往績都唔錯，會係好領導。

怕曾受到掣肘
蘇小姐（時裝店老闆）：董建華統治七年，香港冇樣好，惟獨是佢搞好同內地關係。如果煲呔曾接任，我怕佢會受太多掣肘。

七年捱唔夠咩
莊小姐（廣告從業員）：董建華辭職，人人都希望嘅啦，呢七年捱得唔夠咩，下任特首係別無選擇下，惟獨是曾蔭權好啲。

阿董不過不失
陳小姐（學生）：董建華呢幾年都算不過不失，但曾蔭權民望高，又有頭腦，而且任財爺時都表現幾好。