狄娜昨日在將軍澳電視廣播城接受《香港直播》錄影訪問，對於特首董建華被指請辭一事，她說：「可能佢受唔到壓力，不過就算佢再做都唔緊要，唔係咁多人可以揹起呢個攤子。」
狄娜自言入行初期的經歷令她感到電影圈很虛偽，更指無綫亦是一樣，她說：「你哋都呃人，個節目話畀人知係直播，𠵱家又錄影，咁樣乜嘢所為？曳到都不得了。」狄娜又大彈新一代藝人水平低及膚淺，她說：「做公眾人物，又打人又鬧，有乜必要？如果唔想俾人影俾人寫，就自己乖啲。」
狄娜談到已經接受變性手術的女兒，她說：「𠵱家佢喺歐洲有間屋，佢好滿意自己，好享受。」問狄娜女兒會否考慮結婚？她說：「暫時冇可能，我都唔會反對，呢個係佢嘅選擇。」
採訪、攝影：楊潔雯