楊千嬅昨日以代言人身份，到尖沙嘴出席一個護膚品推廣活動，其間由她任代表捐獎學金予理工大學護理學院的學生，還到尖沙嘴碼頭大派試用品，吸引二十多名市民圍觀，更有喇嘛fans向她索取試用品。
入行前曾擔任護士的千嬅說：「香港得理大有護理學院，我自己呢行出身，都想幫番呢行啲人。」而千嬅的經理人黃柏高昨日亦有到場，千嬅即提議他與古巨基一起美白，她說：「古巨基就嚟開演唱會，白淨啲好睇啲。」
提到古巨基與Stephy的緋聞，千嬅一頭霧水地說：「佢都有緋聞？我唔知呀，可能公司宣傳啫，都好吖，佢咁乖仔，炒旺啲個市嘛。」問千嬅自己是否需要炒旺市，她說：「我要呀，我錄緊國語碟，做咗電波少女錄音機，晚晚唔瞓錄歌。」千嬅稍後會為聯合國兒童基金會到山西探訪愛滋病患者，她表示稍後才有空打防疫針，但因時間倉卒，針藥或未能發揮效力，打針只為求安心。
採訪：何永寧
攝影：陳慧安
