【本報訊】「仔呀、仔呀，唔使驚！阿爸、阿媽喺你身邊，你要堅強呀！」恒仔昨日由北區醫院轉往沙田威爾斯醫院時，一手拎棉胎的恒母俯首在擔架床旁，不停鼓勵兒子要堅強、不要放棄。自從恒仔出事五十天以來，恒母一直守在兒子身邊不離不棄，充份體現母愛的偉大。
恒仔送到東莞市人民醫院特護病房後，醫院規定一星期只准探病兩次，每次一小時，另外每天下午有一小時可過通閉路電視觀看病房中的親人。恒母為了能每天進入病房多親近及照顧愛兒，不惜向親友借錢做「疏通費」。
為了慳錢做醫療費，恒母只睡在醫院走廊，在大冷天時她就自備棉胎，每餐只買五蚊一個的飯盒。「有時幫個仔抹身時，佢郁一郁，我就會開心成日；個仔入院五十日，𠵱家瘦成咁，每見一眼個心都好痛！」恒母每次提到恒仔病情時，她都忍不住流下眼淚。她說：「如果可以，我願用自己條命去換個仔平安無事。」。