教育學院削資削入肉，校長PaulMorris（莫禮時）早前同成班師生施展渾身解數都無法力挽狂瀾，噚日同傳媒聚餐時就特別炮製咗一道「苦盡甘來0-0-0（燒味拼盆配甘筍鹵蛋）」畀八方試吓，祝願○六年經濟好轉，○七○八年唔使削百分之五咁甘。
除咗呢道頭盆外，公關大員好有心思咁幫每道菜命名，好似「合時教改生果效（合時生果）」、「心血付足無白廢（費）（白果腐竹糖水）」同埋「縮資盡付笑談中（粟米枝竹豆腐羹）」，睇嚟削資對教院嘅影響真係好大。Morris重話，連噚日聚餐嘅budget都要cut三分之二，所以希望一班行家將就將就、體諒體諒咁話。
（圖）莫禮時手中嘅「苦盡甘來0-0-0」，寓意大學撥款唔好減咁多。
傳真︰2623-9278
電郵︰