一轉眼，南亞大海嘯已經係兩個多月前嘅事，對於當時嘅情景，好多人重歷歷在目，特別係一眾領隊導遊，今次事件更係盡顯咗佢哋嘅專業水準，所謂生死一線間，如果唔係領隊能夠迅速反應，啲香港團友都唔能夠安然無恙咁返港。為咗表揚佢哋，旅遊業議會噚日就向四十五位優秀領隊頒發嘉許狀。
只係做咗五年就獲得嘉許嘅優秀領隊傅振唐話，今次大海嘯令佢體會最深嘅，係知道要珍惜身邊人。佢好感慨咁話，日後帶團都會本住同一個信念提醒團友，其實一齊出得去玩，平平安安返香港係好幸福嘅事，大家都要珍惜，旅遊時都要玩得開心啲。
（圖）四十幾位喺舊年南亞海嘯之中表現出色嘅優秀領隊，噚日獲得旅遊業議會頒發嘉許狀。
傳真︰2623-9278
電郵︰