政府預測今年新落成住宅樓少過舊年，豪宅供應量更少。港大首席副校長王于漸一向係特區智囊，由佢嚟講經濟應該有啲睇頭。據佢早前分析，香港今年經濟唔錯，唐英年分分鐘有盈餘，房地產亦見興旺。
不過，問題係香港𠵱家「塘水滾塘魚」，如果唔衝出去，一定死梗。佢重講笑咁話，有錢都會喺山頂買間屋，咁就唔使做，因為山頂房屋供應有限，一定升值，可惜就係冇錢，而且有都未必買到。
王教授對香港呢塊寶地嘅前景非常樂觀，佢話香港位處十三億人口嘅大市場旁邊，冇可能唔好，之但係香港人必須要離開本地，北上搵商機，呢位祖籍上海嘅副校長重舉例話，上海咁旺，但係發達嘅都唔係上海人，而係外來人，好似榮家、包家、邵家同唐家都係寧波同無錫人。
（圖）王于漸對樓市非常樂觀，話山頂樓一定有得升。
傳真︰2623-9278
電郵︰