再過多三個月就係終審法院就公務員減薪爭議官司作出裁決嘅重要時刻，公務員團體同政府雙方都屏息靜氣等緊裁決，但公務員團體對今次訴訟充滿信心，新上任嘅紀律部隊評議會職方主席潘卓光噚日就同八方講，話如果佢哋打贏官司，估計政府需要退還最多二百億嘅人工畀返佢哋，如果係咁，工會會考慮呼籲啲夥計將退款捐畀慈善機構做善事，提升公務員形像。
身為香港海關官員協會主席嘅佢又話，早排曾經向海關關長湯顯明反映意見，要求部門縮短招聘同考核應徵者嘅時間，否則，職方擔心招聘嘅人手未必趕得及填補部門新增設嘅空缺，影響海關嘅服務質素。
傳真︰2623-9278
電郵︰