何志平做咗兩年幾民政事務局局長，有民間團體成員投訴，想見吓局長難於登天。即係有幾難？民陣召集人莊耀洸舉例話，聯合國人員身在日內瓦，應該夠晒難見，但係人權監察總幹事羅沃啟同莊耀洸舊年去到日內瓦，就約到聯合國經社文委員會主席丹丹見面，今次丹丹訪港，佢哋又會喺今日見面。不過佢哋多次想約何志平傾吓人權問題，就重難過見丹丹，民間團體批評，局長成日唔想傾，就愈係對人權問題唔熟唔上心。咁就怪唔之得何局長唔打算按慣例喺今年四月出席日內瓦有關經社文國際公約嘅審議會，過往都係由當時嘅民政事務局局長（例如林煥光等）飛去日內瓦開會。
何志平唔去日內瓦唔一定係懶，而係可能驚對有關問題唔熟，俾人問多兩問露晒底就無謂啦。
傳真︰2623-9278
電郵︰