住在天台屋兩年，阿碧與一對子女飽受滲水問題困擾，加上住所附近環境複雜，令她終日憂心子女會被不良分子滋擾。近日，阿碧三口終獲房屋署分配新界區一個公屋單位，惟她無力支付一筆搬遷費。
「我去睇過間屋，附近環境都幾好，雖然係遠啲，不過起碼可以重新嚟過，唔怕仔女會群埋班壞人。」四十二歲的阿碧說。
阿碧經歷兩段破碎婚姻，分別為兩名前夫誕下一女一子，現年十五歲及十歲，就讀中二及小五。自她四年前與第二任丈夫離婚後，她便獨力照顧一對子女，三口依靠綜援金過活，租住天台屋。
「呢度每逢落雨天，房間就成日漏水，我要用毛巾塞住啲窿窿隙隙，好唔方便。𠵱家有間公屋畀我，個人都安定啲，唔使再諗要搬去第二度。」阿碧說。
然而，每當想到租戶按金、水電煤氣按金、購置物品、簡單裝修、子女轉校等林林總總的費用，阿碧便感苦惱不已。由於社會福利署不會發放搬遷津貼給單親家庭，阿碧需要自行設法籌錢。
「問朋友都唔借得咁多，我父母唔喺度，家姐係弱智嘅，阿哥只係做散工，𠵱家惟有先見步行步。」
蘋果日報慈善基金有見阿碧的困境，即時撥款八千元予她應付搬屋各項開支。
捐款編號：C1633
暖流熱線
電話：29908688
傳真：23702192
電郵：
網址：