羅家英早前承認患上肝癌，前晚是他病情曝光後首次出席公開活動。羅家英表示每月會做定期檢查，而今年是最關鍵的一年，如果沒有復發，癒後便比較樂觀，但羅家英下月會到橫店拍劇，不知這會否影響其健康？
羅家英、董敏莉、米雪、Shine和劉家輝前晚在屯門出席「第一屆國際詠春黐手大賽」預賽，患上肝癌的羅家英帶病公開露面，他表示現在每月仍需往檢查身體，尤其是這一年十分關鍵，若沒有復發情況，康復機會便高一些，故此他要小心護理身體。
問羅家英現在身體如何？他說：「身體都OK，𠵱家要保持每個月去檢查一次，因為之前做手術都切除晒癌細胞，之前有報道影到我都係去做電腦掃描。」問其女友汪明荃可有介紹醫生給他，羅家英說：「冇呀，佢都好信西醫。」
羅家英表示現階段會好好調養身體，下月會到橫店接拍楊紹鴻新劇，問阿姐有否反對他拍劇？羅家英說：「唔會，我認為支持到咪拍，但傾工作時都講明我每拍五個鐘就要休息半個鐘，我都要keep住食藥，但就唔可以食補品。醫生話今年好危險，過咗今年唔復發就冇嘢，呢十三、四個月好重要，若唔復發，康復機會就好高。我都覺得身體唔健康，有錢都冇得享。」
另外，Shine和董敏莉拜詠春師傅梁挺為師，成為米雪和羅家英師弟。Shine說：「拍動作片俾人話我哋姐手姐腳，所以好想學好功夫。」
採訪、攝影：張俊銘
