大嶼山最正的地方是非常「唔香港」，在中環坐快船只需半小時便到達梅窩，方便過入荃灣，甫下船便能感受到那份「唔香港」的味道。以前在碼頭見有許多藍的士等客，如今只見有巴士，相信是的士司機大佬都已跑到東涌紮馬等候陸路客。單車停滿半個碼頭，居民下船便以單車代步，畫面像《西西里的美麗傳說》一樣。
碼頭附近有間賣藝術品的小店，東主是洋人，門外貼着一張告示：「入門請說你好，否則不要入來」，生活態度，可見一斑。酒吧就在海邊，顧客大部份是洋人，一杯啤酒，一個漢堡，歎一個懶洋洋的下午。
沙灘上的一列小旅館，簡單寧靜，閒日時人都唔多個，是洗滌身心及創作的好地方，偷情應該更冇得頂。
乘巴士可直達大澳。大澳更有小漁村風味，居民大部份悠悠閒閒，面上總掛着笑容，聚在家門前跟鄰居打牙骹。看見我這陌生人，嬸嬸們望多兩眼，「咦？你咪嗰個乜乜昭？」嬸嬸友善地揚聲問道。「係呀。」我答。
「咁你叫咩名呀？」
「我叫谷德昭。」
「邊個谷你呀？邊個谷得你昭呀？」
料不到嬸嬸有此一着，引得眾師奶嬸嬸們咭咭大笑。嬸嬸臨走前還送上一句：「啲皮膚幾靚喎。」
竟然在大澳俾女撩，真乃意外收穫。
有時間不妨一家大細到大嶼山大澳走走，是很不錯的家庭節目，挺好玩。