八方噚日話，中大校長劉遵義最近物色緊一位超級公關，行內人都好關心，聽講好多中大校友都係獵頭對象，當中包括現時喺市區重建局當社區發展總監嘅伍展明。
八方睇吓佢嘅履歷，中大社會科學系學士、港大碩士，做過金管局同工商科，你話好對口又唔係，八方問市建局中人，佢哋就話未有動靜，不過，遲吓佢會放吓假就真。
另一個人選，聽講係行內人何安達，佢老哥最近為終身大事好鬼忙，唔知得唔得閒睬校長。
個市好番，周圍都郁，伍兄有高就都唔奇，不過，劉校長的確要搵高人幫手。講開市建局，行政總監林中麟唔嫁又嫁，終於答應同老董做咗一個三年合約，由一月一日起計算，八方希望佢今年嗰啲四個R成功進行，樓市好，林總想收樓係難啲。
傳真︰2623-9278
電郵︰