莫文蔚（Karen）獲名牌SalvatoreFerragamo邀請，前往意大利一個星期出席活動，全程備受寵愛的她前日先在米蘭欣賞○五秋冬時裝騷，而在開騷前一日，她更獲設計師GraemeBlack親自為她做styling及改衫，Karen亦識做地回贈個人大碟。
時裝騷舉行時當地氣溫只得兩、三度，Karen在嚴寒天氣下穿上薄如蟬翼的粉藍色連身裙，企定任影，而大會又安排她與SalvatoreFerragamo創辦人太太WandaFerragamo同坐第一行，兩人以意大利語交流，言談甚歡，Wanda其後更送出未面世的香水給Karen試用。Karen透露自己曾在意大利讀書，她說：「大約喺中學時代囉，不過有啲發音都唔記得，要重新溫習過。今次睇騷心情好緊張，見到啲裙好靚，好有立體感，最希望佢哋可以贊助埋衫畀我開個唱啦！」
Karen在意大利之行更會到Ferragamo家族擁有的酒莊晚膳、參觀釀酒，再到佛羅倫斯總壇，由鞋匠為她度腳訂做木鞋楦，更贊助鞋履待她六月開演唱會時用上。
記者梁錦貞、仇志德米蘭直擊
