許志安在個唱上的性感火辣演出成為城中熱話，身為安仔老友的梁漢文聽聞他出現露毛疑雲後，竟拍手狂笑，又笑言自己連腋毛都不敢露。而Cookies更大爆蘇永康向她們表示安仔的個唱不宜未成年觀眾欣賞。
許志安上周五起在紅館舉行一連三場演唱會，其間他與女舞蹈員的性感表演十分出位，當他穿上一條由內褲和布條組成的網狀褲時，更被指不慎露毛，旋即成為城中熱話。
前晚梁漢文（Edmond）、戴夢夢、Cookies、吳日言和官恩娜等齊往沙田公園，出席「沙田節日燈飾閉幕晚會暨攝影比賽頒獎典禮」，問Edmond在安仔首場個唱中任嘉賓是否有意打破不和傳言時，他說：「唔係刻意，前兩日佢先話叫幾個兄弟一齊上去。」
提到安仔穿上性感褲大跳火辣熱舞時疑不慎露毛，Edmond先是說：「係咩？唔知喎，睇唔到。」其後又拍手狂笑，他說：「佢性感得起，我就唔夠膽，我連胳肋底毛都露唔起，佢唔小心啫。」Edmond表示他預計年尾開個唱。
而Cookies接受訪問時，提到安仔被指露毛四人都表示嘩然，又謂難怪女觀眾看得開心，Stephy說：「佢好sexy好震撼，睇到心跳加速，蘇永康重話有part好sexy，係最精采，未成年真係唔好睇喎。」至於戴夢夢則說：「有咩？唔怪得睇到啲女仔咁開心，佢上下都咁性感，好鍾意佢啲姣味。」
此外，官恩娜對於有傳聞指其緋聞男友吳卓羲因她被指姣精而發火，她說：「咁佢對我係唔錯，佢知我唔係咁嘅人，先有咁反應。」
採訪、攝影：楊潔雯
