方力申和鄭裕玲昨日齊跑馬拉松，方力申以五十二分四十五秒完成十公里賽，而嘟嘟則以一小時四分五十二秒完成。方力申雖然比嘟嘟快完成，但比賽時他幾乎跑到腳抽筋。
方力申、鄭裕玲、傅明憲與EO2昨晨到灣仔金紫荊廣場出席「渣打馬拉松2005」頒獎禮，他們除做善事外亦有參與比賽。方力申是今屆的馬拉松大使，大會邀請他為六時零五分起步的馬拉松負責鳴槍，到六時四十分的第二輪跑時，他與嘟嘟等名人就參與十公里慈善跑。
方力申前晚只睡了幾小時，但僅花五十二分四十五秒跑完全程，方力申比賽後接受訪問說：「我好滿意，原本跑跑吓想停低休息，但我俾好多人過咗頭，又見到工作人員同我打氣，所以我都頂硬上。我係扁平足，唔係咁適合跑步，游水就比較適合，今日跑跑吓，我幾乎抽筋。」
至於嘟嘟上年已開始參加馬拉松，她說：「上年我參加都冇乜人知，今年做慈善大使，大家先會知我嚟跑，上年我要一小時零九分鐘先跑完，但今年我只係用咗一小時四分五十二秒就完成，比上年快咗幾分鐘，所以我對呢個成績好滿意，跑全程嚟講，我覺得跑出西隧要再跑斜路時就幾辛苦。」問嘟嘟為何男友呂方沒有來？她說：「佢練跑時傷咗膝頭，所以唔能夠嚟，其實唔使佢陪我啦！今日有咁多人陪我跑。」
而EO2成員Osman原本想參加比賽，但他自稱練跑時肺部有毛病，昨晨不能參賽，只能到場為其他隊員打氣。而傅明憲則以一小時十七分完成十公里的跑程，她說：「我係同幾個朋友嚟跑，想挑戰吓自己。」
此外，前日生日的方力申前晚六時許與助手和司機等，到尖沙嘴清溪川吃韓國燒烤後，再到紅館欣賞許志安演唱會，晚上十二時許便返回寓所休息。
採訪：王崇穎
攝影：林德雄、娛樂突發組
