性感低胸的李玟與男友Bruce前晚拍拖出席舞會，李玟踢爆胞姊李思林與鍾再思因聚少離多已和平分手，而她為了維繫分隔兩地的男友，每日會傳一百個短訊，更被友人封為「SMS皇后」。
今年由超級名牌LouisVuitton贊助、以「Dazzle」為主題的香港癌症基金會慈善餐舞會，前晚在尖沙嘴半島酒店及洲際酒店舉行，超過四百個城中名人、富豪包括潘楚穎、霍啟山、何超瓊、薛芷倫、廖碧欣、陳沖、杜君慧與男友等盛裝出席。
而楊紫瓊、李玟、MaggieQ和陳沖等更全身獲LV贊助。李玟與男友Bruce十指緊扣入場，她穿上二萬多元低胸雪紡裙，更邊行邊跌帶。李玟透露胞姊李思林亦有到場，問她胞姊男友鍾再思可有同行？李玟即說：「佢哋唔係情侶，𠵱家做番朋友，性格唔係太適合。家姐忙幫我出碟，Thomas（鍾再思）又成日喺上海，太忙連見面時間都冇，和平分手囉！我哋全家人都好鍾意佢，或者將來有機會復合呢。」
李玟又謂現時與男友亦分隔兩地，惟有不斷傳短訊，她說：「我每日send超過一百個，啲朋友重叫我SMS皇后。」而楊紫瓊對前男友鍾再思又失戀表示不知情，她說：「我唔喺香港一輪，最關心都係佢嘅健康，因為佢近期健康唔係太好。」
此外，MaggieQ手挽價值十六萬的水晶櫻桃手袋赴會，她一身低胸薄裙，更凍到突點，她哈哈笑說：「唔性感，我個胸好細㗎咋，我都冇嘢可以show！」
採訪：JessicaNgan、KellyCheck
攝影：RickyChan
