勞斯萊斯「幻影」Phantom憑其豪華、寬敞嘅車廂同極具氣派嘅外形，贏得各地豪客嘅歡心。最近廠方更發表了一款加長版「幻影」，車身比標準版長250mm。新款沿用「幻影」嘅鋁合金架構底盤，加長部份喺B柱之後，令到後排空間更闊，更能盡顯豪轎氣派。
產量根據定單數量
加長版「幻影」將會喺嚟緊3月1日揭幕嘅日內瓦車展上率先亮相，並於年底正式投產，不過新款幻影會根據定單數量生產，如果對呢架更豪更大嘅「幻影」有興趣，𠵱家已經可以進行訂購。加長版幻影喺中東和亞太地區定價為38.5萬美元（約3,003,000港元），在日本定價則為4,800萬日圓。 記者：馬慶武