早前冷鋒襲港，氣溫持續僅攝氏九度至十一度間，不少市民均加衣保暖，但有7-11便利店員工向本報投訴，大部份員工所穿制服僅得反領長袖T恤一件，未能抵冷，僱主被指未能靈活處理今次制服事件。職工盟成衣文職及零售業工會建議，僱主訂做制服時，應提供不同類型的制服選擇。
不願透露姓名的7-11便利店員工向本報投訴稱，7-11約於月前開始為員工更換新制服，但橙色反領長袖T恤卻十分單薄。早前氣溫持續數天徘徊於攝氏九度至十一度間，令身穿單薄制服的員工十分難受。
她說：「就算我喺件制服裏面加衫都唔加得幾多件，而且有唔少7-11都冇自動玻璃門，門口又對住大街，好食風，最凍嗰幾日喺間舖裏面不停咁打冷震，喺新界區嘅氣溫重低一、兩度，呢個星期又話會凍番，都唔知點算好。」
她稱，公司曾表示除了現時的反領長袖T恤制服外，每位員工會有風褸禦寒，但員工們卻遲遲未有收到。她任職的分店僅獲分配一件風褸，不足分配全店數名員工。「成間分店先得一件風褸，我知道有啲分店就有幾件風褸，有啲就一件都冇。」
記者於上周二中午到過沙田及灣仔區多間7-11便利店視察，當日氣溫僅得攝氏十一度，各分店內雖有兩至三名員工，但只有一人穿上較能擋風的制服風褸，其他人則僅穿一件橙色反領長袖T恤，內裡則要自行加上衣物以禦寒。店內衣着單薄的員工，與街上穿上厚厚外套的行人，明顯形成強烈對比。
本報上周將投訴轉介7-11便利店客戶服務部跟進，但至截稿前仍未獲回覆。（○二二五○○一）
職工盟成衣文職及零售業工會總幹事張麗霞批評，僱主不夠靈活處理今次制服事件。
「就算係學校到咗某個月份需要換季，如果見天氣情況並非想像之中，都會畀番啲彈性去處理。」
她又說：「其實員工如果因為着少咗衫病咗，最終損失都係店方，因為員工健康直接影響到佢哋嘅工作效率，以及公司營業額。」
她建議店方在訂做制服時，應提供不同類型制服選擇，以切合不同天氣。另外，亦要多諮詢員工，就制服提出改善建議。
服務熱線
電話：29908288
傳真：23702192
電郵：
