陳豪、廖碧兒、郭可盈、陶大宇和向海嵐等，昨日在荃灣宣傳無綫劇集《心花放》，眾人分兩人一組比拼插花技巧，緋聞男女陳豪和廖碧兒被編為一組，成為眾人取笑對象。
當司儀介紹廖碧兒時，即望着陳豪說：「你女朋友呀，喺劇裏面！」當進行插花比賽時，陳豪和廖碧兒齊將花朵插錯位置，即被指錯得有默契，陳豪表現尷尬，廖碧兒笑笑口說：「習慣咗俾人玩，為咗套劇冇所謂，佢（陳豪）平日都成日同我鬥嘴，我哋拍劇時，佢都唔係咁怕醜㗎，佢扮嘢啫！」
陶大宇將主唱《心》劇插曲，他表示很有新鮮感，大宇說：「我唱插曲，無綫都有象徵式畀十蚊我㗎，但喺我立場唔係要收錢，只係入行咁耐，都未試過有自己嘅歌，起碼第日登台都多首歌吖！」
採訪、攝影：卓寶花
