「林伯」林百欣呢個禮拜六就會出殯，佢生前向來樂善好施，捐咗好多錢作育後生仔，好似今年九月至創校嘅直資愛國名校沙田培僑書院，林伯就捐咗一百二十萬畀佢哋。林伯大仔林建名噚日代表林伯出席學校嘅校舍平頂儀式，佢話如果林伯重在生，都會親自去。
培僑中學董事長吳康民話，第日校內嘅課室同特別室，會以捐款人命名，林伯當然有份。另外，恒基地產主席「四叔」李兆基就捐咗七百萬起泳池，而吳光正、郭鶴年、何鴻燊同呂志和等都捐咗過百萬。
（圖）林建名（中）噚日代表林伯出席沙田培僑書院嘅校舍平頂儀式。
傳真︰2623-9278
電郵︰