好味道的雜果撻，一班小蘋果食過但未整過。六個小廚師請教整撻高手Andrew後，親手炮製咗四個雜果撻：留一個畀自己，爸爸一個，媽咪一個，最後的一件落在誰口裏？就要睇吓小廚師同邊個最Friend，因為雜果撻真係好好味！
記者：小辣椒
攝影：猩猩
你最想吃誰做的果撻呢？
15分鐘等到……撻皮
等待，小朋友邊到識㗎！今次六位小廚師就要等15分鐘，等待叮一聲，撻皮焗好的重要時刻。睇爐，返埋位；唔放心，再睇爐，「囉囉攣」就係咁解！
步驟一：將整撻皮嘅所有材料混合好，做成麵糰，再以180度焗15分鐘。
材料：淡牛油30克、糖霜15克、低筋粉45克、高筋粉15克、雞蛋液15克
小廚師心聲
包堂學整餅
「𠵱家啲人好忙，連細路仔都好忙！」為咗方便鍾意整餅但無時間學嘅你，CakenJoy的Esther歡迎大家打電話嚟預約包堂，一家人約埋親戚或者同學仔，齊齊跟整餅高手Andrew哥哥學整靚餅。查詢請致電21678081或者瀏覽網址www.cakenjoy.com.hk，網上有好多靚相睇㖭！
忌廉唔係軟綿綿？
材料甜忌廉，看似軟綿綿，原來打起來需要無窮的力量。
步驟二：將所有整吉士餡嘅材料混合好，用唧袋擠入撻殼裏。
材料：即溶吉士粉80克、鮮奶240克、甜忌廉（打起）50克
撻皮當生果盤
六隻「貪心鬼」把撻皮當作生果盤，撻皮上的奇異果、士多啤梨、藍莓、桃、菠蘿叠到好高好高，一邊掃一邊跌生果，放落口唔好嘥，唔，真的好味道！
步驟三：等咗好耐嘅砌生果時間，最後記住要掃上透明啫喱或者撒上糖霜。
