東區區議會堡壘選區補選候選人朱漢華去世，但是非不斷，有心人噚日畀咗一份朱漢華未出街嘅競選刊物八方，內有佢親述同民建聯瓜葛嘅「退出民×聯事件簿」。
當中提到黨對佢打官司爭取補選不聞不問，後來佢想參加補選又遭冷待，最終因堅持去馬而被取消黨員資格，朱漢華向選民表示感到「百般滋味在心頭」，又話「公道自在人心」，可見佢參選不但壓力極大，而且氣在心頭，呢番向選民嘅陳情，估唔到竟變成佢嘅遺言。
從份刊物睇到，朱漢華生前搵到安德尊、鄧英敏、李我、蕭湘等藝人支持，幾名民建聯區議員包括陳靄群、勞鍱珍、趙資強、趙承基同許嘉灦等，亦唔理黨中央指示力挺佢重返議會。八方知道有個別民建聯成員重幫忙打點朱漢華後事，並已定於三月十一號喺香港殯儀館舉殯。
傳真︰2623-9278
電郵︰