入娛樂圈唔一定要等星探發掘，喺職訓局讀書隨時都有機會做明星。八方噚日同職業訓練局新聞組嘅朋友食晏，原來佢哋諗住喺五月嘅聯校歌唱比賽中搞搞新意思，畀班讀娛樂事業營運學嘅同學實習吓，幫參賽同學執形象，順便做埋保母，務求令到個騷專業化，校方重會請專搞演唱會嘅Ba叔同埋唱片業人士到場「揀蟀」，希望捧出明日之星，做職訓局代言人。
職訓局遲啲會將所有設計課程歸入新嘅設計學院內，重會開番間舖頭賣同學嘅作品，首個試點係貿易發展局嘅designgallery，之後就喺書店度賣，八方聽到都覺得心郁郁，想讀埋一份，𠵱家嘅學生真係好多發揮機會。
傳真︰2623-9278
電郵︰